Obstacles au développement (5)

اعمل كيما جارك ولا حول باب دارك؛ الناس الكل تعاند في بعضها؛ شوفت فلان شعمل؛و والله لاما نعمل خير منو؛ محسوب آخي آش اسخايل روحو هو؛ و الله غير الوقت الخايب؛ كان جات الدنيا دنيا راهو اقولي سيدي؛ اما الدنيا بالمقلوب؛ ما تقوليش من جاه هو هذا الكل؛ قالك عندو بنتو تخدم في ايطاليا؛ آه بنتو في اطاليا؛ برا؛ برا حتى هي عاملة بعمايلها غادي ربي يسترنا يا خويا؛ هيا سيب علينا من جبدان الناس؛ لا انا بطبيعتي من حبش التقطيع و الترييش؛ اما زادا من حبش لعوج؛ ما شفتش كيفاش نافخ روحو او مايكلم في حد؛ لاعبلي فيها مثقف انهار الكل هو يشري في الكتب او ما تعلم منهم شيء كان تولها بمرتو خيرلو؛ مسكين الماء يجري تحت ساقيه؛ آه هاهو جاء طفي الضو ولا تو نسألوه؛ عسلامة عمي الحاج؛ بربي رانا شفناك لابس منقالة جديدة هيا مبروك؛ بربي من شريتها؟ اواهاش غالية؟ ماذا بيا نعمل واحدة كيفها؛ لا خويا ماهاش غالية تعمل 5د او شريتها من السوق؛
او انا خوكم و الحمد لله مانعاند في حد:))؛