خوذ العلم من روس لفكارن

ياسيدي اذا كانك مازلت تجهل دبنك او ما تعرش عليه حاجة كبيرة؛كيما خوكم؛ ما فاتك شي؛ فرصة كبيرة توفرهالكم قناتنا لخشينة حنبغل؛ مع الامام الفائز في ستار أكاديمي الاسلامي الامام جيقا ابن بوها الانصاري؛ و ستستمعون اليه كيف يتحدث عن الولي اللي كان باندي اللي يضربو ببونيا ذهب في رعاية الله؛ و هو يخاطب مجموعة من الشباب و سأهلهم تراه طلعو كيفاش ايولي الواحد ولي صالح تراه طلعوا؟تراه طلعوا؟؟ موش بدراشنوة او قراية القرآن على روس لعباد؛ موش كيما قال الشاعر الصوفي وهوني اشد كتاب او ولي يقرا منو في الشعر او بعد اشد كتاب آخر او زيد يقرا منو في العلم؛ حتى االقرآن كان مايقرا من الكتاب او هوني ايولي الكلهم يقراو في القرآن تقولش عليهم جوقة موسيقية ماسطة؛ آه نسيت ما قلتلكمش آش لابس هل الامام الجيقا او آش عامل في شعرو؛ لا بس جبة حمراء ولا كولار يشبه للحمر و تحتها مريول قولف اخضر تقولش عليه طبال في جمهور الستاد تونيزان؛ او عامل بوند في شعرو او اموقفو بالجال؛ و خلي عاد من اخطاء اللوغة والقراية الغالطة للقرآن؛ وفي لخر قاللنا نلتقي باذن اللهووووووو في الحصة القادمة؛ و الله ما فعله البابا بالاسلام اهون بكثير مما تفعله حنبغل و امام آخر زمان هذا