شوفولنا حل ... ولا رجعولنا فلوسنا

علاش انا انخلص في 50د انترنت قال شنوة ادسل؛ و موسيو توب نات او مادام تونس للاتصالات امعيفينا في حاجة اسمها انترنت؛ انترنت الكريطة هذي تمشي ضربة او تقص؛ انا يظهرلي ما عطاونيش ادسل لكن حاجة تعمل السل؛ عافاكم الله؛ لا او الضربة فاش؛ جماعة التوب نات عاملين رواحهم بروفسينال او مهفات؛ عاملين ايميل للمصلحة الحرفاء او زعمة زعمة منظمين او قاسمين الخدمة مصلحة تجارية او مصلحة تقنية او تنجم تبعث ركلاماسيون؛ خوكم جدت عليه؛ او كتبت الايميل الاول او الثاني...؛ و شعارهم كان بارك الله فيهم؛ استتنى يادجاجة حتى تجيك الانترنت من باجة؛ او عوض ما يرجعولي او يقولولي شنوة المشكلة؛ بعثولي اشهار متاع توب نات؟؟؟؟ حاصيلو ندمت على دبن والدين النهار اللي قررت فيه باش انشارك في الأدسل او هال الشوية متاع 50د في الشهر؛ حكاية فارغة؛ لا ثمة سرعة ولا خفة ولاهم يحزنون
خوكم فديت او روحي طلعت؛ هيا زايد باش انقص؛ ماعادش زايد حتى كلمة خير ما الواحد يكفر